Гісторыя стварэння
Магілёўскі абласны трэст па вытворчасці гідрамеліярацыйных, культуртэхнічных і водагаспадарчых работ (Аблмеліатрэст) як самастойная арганізацыя ўтвораны 1 жніўня 1959 года на базе Беларускай, Бераснёўскай, Высокаўскай, Горскай, Магілёўскай і Бабруйскай машынна-меліярацыйных станцый.
Фарміраванне яго адбывалася ў некалькі этапаў. У лютым 1966 года былі арганізаваны Клічаўская, Асіповіцкая і Чэрыкаўская арганізацыі, у маі 1968 года - Горацкая, Чавуская, у чэрвені гэтага ж года - Магілёўская, у снежні 1970 года - Краснапольская, у верасні 1971 года - Слаўгарадская і Хоцімская,2 - Круглянская.
Канчаткова трэст сфармаваўся, калі ў яго склад былі перададзены Быхаўская ПМК-19, Клімавіцкая ПМК-21 і Шклоўская ПМК-31.
У 1959 - 1960 гадах трэст падпарадкоўваўся Галоўнаму ўпраўленню меліярацыі і воднай гаспадаркі пры Міністэрстве сельскай гаспадаркі Беларускай ССР, з мая 1961 года - Галоўнаму ўпраўленню меліярацыі і воднай гаспадаркі пры Савеце Міністраў Беларускай ССР, а з кастрычніка 1965 года - Міністэрству водных гаспадарак.
У адпаведнасці з Пастановай Савета Міністраў СССР ад 8 студзеня 1985 года нумар 33 трэст "Магілёўводбуд" быў перададзены з вядзення Мінводгаса БССР у непасрэднае падпарадкаванне Галоўпалесьводбуда Міністэрства меліярацыі і воднай гаспадаркі СССР.
Са студзеня 1990 года трэст "Магілёўводбуд" загадам Міністэрства меліярацыі і воднай гаспадаркі СССР №344 ад 22.12.1989 года рэарганізаваны ў праектна-будаўнічае аб'яднанне (ПСА "Магілёўводбуд"), а з красавіка 1994 года ПСА "Магілёўводбуд" пераўтворана адкрытае акцыянер "Магілёўводбуд"), якое ўваходзіць у склад канцэрна "Белмеліявадгас" Міністэрства сельскай гаспадаркі і харчавання Рэспублікі Беларусь.
У розныя гады на чале трэста працавалі вопытныя, умелыя кіраўнікі, таленавітыя арганізатары вытворчасці, якія ўнеслі дастойны і значны ўклад у станаўленне і развіццё меліярацыйнай галіны і падведамных арганізацый. Гэта: Калбасін М.А., Ліпінскі Б.М., Вярбіцкі М.А., Капытаў В.Ф., Дзелятнік А.Я., Базылеў В.Д., Басюкевіч А.П.
З 3 ліпеня 1991 года ААТ "Магілёўводбуд" узначальваў Шкрадзюк Мікалай Сямёнавіч, захоўваючы і працягваючы лепшыя традыцыі папярэднікаў. З 1 снежня 2003 года ААТ "Магілёўводбуд" перайменавана ў ААТ "Холдынг Магілёўводбуд".
Са студзеня 2011 года кіраваў ААТ "Холдынг Магілёўводбуд" Яўген Канстанцінавіч Зюзін. У склад Холдынга ўваходзіла 20 акцыянерных таварыстваў і 2 структурныя падраздзяленні: цэнтральная рамонтная майстэрня і мехатрад, які працуе за межамі Рэспублікі Беларусь у горадзе Усінску Расійскай Федэрацыі.
З 14 лістапада 2012 года Холдынгам кіруе в.а. генеральнага дырэктара Хаміцэвіч Валерый Віктаравіч.
26 снежня 2012 года арганізацыя перайменавана ў ААТ "Кіруючая кампанія холдынгу "Магілёўводбуд".